ბიოგაზის დანადგარი საქართველოში
მარიამ ნიკურაძე
თიკო ცერცვაძე
საქართველოს გააჩნია არატრადიციული და განახლებადი ენერგეტიკის განვითარების დიდი პოტენციალი, თუმცა ჯერჯერობით თითქმის არ გამოიყენება ისეთი მნიშვნელოვანი ენერგიის წყაროები, როგორიცაა მზისა და ქარის ენერგია. საქართველოსათვის შედარებით ახალი პრაქტიკაა მეცხოველეობის ნარჩენების გადამუშავება და მისგან ბიოგაზის წარმოება. შექმნილია და განხორციელებულია 400-ზე მეტი ბიოდანადგარი.
ყოველწლიურად საქართველოში 4,4 მლნ. ტონამდე სხვადასხვა სახის ბიომასა გროვდება, რომლის ენერგეტიკული პოტენციალი შეადგენს 12,5 მლნ კვტ.სთ-ს წელიწადში და ამ პოტენციალის მხოლოდ უმნიშვნელო ნაწილი გამოიყენება ენერგიის მისაღებად.